أتمتة واتساب للمتاجر الأونلاين: تأكيد الأوردرات، تحديثات الشحن، الردود والحملات

Bosla بتخلّي شغل واتساب في متجرك الأونلاين أوتوماتيك، على WhatsApp Business API الرسمي. بتأكد الأوردرات الجديدة بزراير، وبتبلّغ العميل لما أوردره يتشحن، وبترد على أسئلته بوكيل ذكاء اصطناعي، وبتبعت حملات لقايمة عملاءك، وكل ده من مكان واحد مربوط بمتجرك.

إيه اللي تقدر تخليه أوتوماتيك على واتساب

• تأكيد الأوردر بزرار تأكيد وزرار إلغاء، والأوردر بيتحدّث أول ما العميل يدوس.
• تحديثات الشحن والتوصيل، بتتبعت لما حالة الشحنة عند شركة الشحن تتغير.
• ردود بالذكاء الاصطناعي على كل رسالة جاية، بالليل والنهار.
• رسالة متابعة لما العميل مايردش.
• حملات جماعية لقايمة عملاء بترفعها من Excel أو CSV.
• تذكير للعملاء اللي سابوا صفحة الدفع من غير ما يكمّلوا، لمتاجر Shopify، عن طريق Bosla One تطبيقنا على Shopify.

تريجرز وأكشنز، من غير ولا سطر كود

كل أتمتة عبارة عن تريجر (الحدث اللي بيبدأها) والأكشنز اللي بتيجي بعده. بتبنيها من شاشة مرئية، وتجرّبها بتشغيل تجريبي (dry run)، وتشوف سجل كل مرة اشتغلت فيها.

• التريجرز: أوردر جديد يتعمل (من Shopify أو Salla أو EasyOrders أو بإيدك) أو يتعدّل أو يتلغي، تاج يتضاف، حالة شحنة تتغير، شات يتقفل على إنه اتحل، الذكاء الاصطناعي يسلّم شات لحد من الفريق، أو حاجة انت بتوصفها تحصل في شات.
• الأكشنز: تبعت تمبلت أو رسالة واتساب، تبعت SMS أو رسالة تليجرام، تأكد الأوردر أو تلغيه أو تحط عليه تاج، ترد على كومنت إنستجرام، تظبط المخزون.
• تستنى رد العميل، وتمشي في مسار حسب الزرار اللي داس عليه.

الـ API الرسمي، على رقمك انت

Bosla شغالة على WhatsApp Business Platform من Meta، مش على وسيط غير رسمي بيخلي الأرقام تتبند. بتربط رقم البيزنس بتاعك، وتعمل تمبلتات الرسايل جوه Bosla وتبعتها لـ Meta، وكل رسالة بتتملي باسم العميل ورقم الأوردر والإجمالي وصورة المنتج من الأوردر نفسه.

الردود بترجع لإنبوكس واحد

لما العميل يرد على رسالة أوتوماتيك، رده بيوصل لإنبوكس مشترك والأوردر بتاعه جنبه، جنب شاتاته على إنستجرام وماسنجر. ومن هناك وكيل الذكاء الاصطناعي أو حد من الفريق بيمسكه.

أسئلة بيسألها التجار

ده WhatsApp Business API الرسمي؟

أيوه. Bosla بتستخدم WhatsApp Business Platform من Meta. والتمبلتات بتتراجع وتتوافق عليها من Meta قبل ما تقدر تبعتها.

محتاج رقم واتساب خاص بيا؟

لشاتات العملاء، أيوه: بتربط رقم البيزنس بتاعك. أما تأكيد الأوردرات، فـ Bosla تقدر كمان تبعته من رقم بتديره Bosla، فتبدأ تأكد أوردراتك قبل ما رقمك يبقى جاهز.

شغالة من غير Shopify؟

أيوه. الأوردرات ممكن تيجي من Shopify أو Salla أو EasyOrders، أو من السيستم بتاعك عن طريق الـ API بتاع Bosla، أو تتكتب بإيدك للمتاجر اللي بتبيع من الرسايل بس.

أقدر أبعت حملات على واتساب؟

أيوه. ارفع قايمة من Excel أو CSV، واكتب الرسالة، وابعتها. وتقدر توقف الحملة وتكمّلها بعدين. الحملات بتقبل أرقام مصرية بس حاليًا.

أتمتة التأكيدات هتزوّد فاتورتي؟

لأ. الأوردرات من غير حد في كل الباقات، والتأكيدات والحملات مابتتحسبش من العملاء الشهريين اللي باقتك متسعّرة عليهم.